بطاطس بالباشميل philips-airfryer

تكلمت هنــــــــــا عن هالاله اللي فيها استمتع جدا وانا اطبخ ..الله يخليها لي ^_*

بطاطس بالباشميل السريعه السهله :

المقادير حسب عدد الأشخاص عن نفسي شخصين فقط :

لحم مفروم تقريبا كوبين ..

2 حبه بطاطس طازجة وسط ..

بصله وحده وسط ..

2 فص ثوم ..

البهارات السبعة من اسناد ..

بهارات إيطالية من أي هيرب ..

نص كيس خلطة الباشميل الجاهزه مع كاسه وحده حليب سائل خالي او قليل الدسم ..

الطريقه :

نقطع البطاطس مربعات ونحط عليها شوي زيت زيتون ونخلطه(ممكن تستغنون عن الزيت) ونحطها بالاله الجميله

ربع ساعه وهي جاهزه ونحطها بصينيه وسط او صغيره ..

نقطع البصل والثوم انا فرمتهم مع بعض سريع سريع

ونحط اللحمه المفرومه عليهم مع بهارات والبهارات الايطاليه وشوي مويه

ممكن تضيفون صنوبر ..

ماراح تأخذ وقت تقريبا 8 الى 10 دقايق وهي جاهزه ونشفت مويتها ..وخلال طبخها نسوي البشاميل السريع واللذيذ

نحط كاسة الحليب وربع كيس الباشميل بقدر صغير جدا ونخلطهم وع نار هاديه لحد مايثقل تقريبا 5 دقايق

ونحط اللحمه فوق البطاطس

واخر شي خلطة الباشميل مع رشة بهارات ايطاليه ..

وع الفرن ربع ساعه ونحمرها من فوق 3 دقايق وبالعافيه استمتعوا باكله مافيها نقطة زيت وصحيه ولذيذه والاهم سريعه ..

وبالعافيه

أي سؤال ع الرحب والسعه ^_^

About