مع الوظيفه الوحده منا تحتاج تطبخ أشياء سريعه ومفيده وصحيه ع الأقل بنظري انا كذا افكر ..لانه دايما الاكل السريع معناته وجبات سريعه ومليانه زيوت ومليانه أشياء ثقيله ع المعده والمزاج لكن نظطر لها لانها سريعه ..!
لما اتوظفت ماكان عندي وقت كان فعليا نص ساعه بريك هي اللي لازم اطبخ فيها ..ومن هنا تعلمت كيف اسوي اكل سريع وصحي
وبنفس الوقت لذيذ ^_^
المزايا :
*اعتماد طبخ الاكل فيها ع الهوا ويتحرك من اسفلها لاعلاها وبالتالي ضمان نضج الاكل ..
*الاكل ينطبخ كويس فيها وماتحرق الاكل ابدا ..
*المؤقت الخاص فيها ينتهي فعلا ع الوقت وهو أصلا المشغل للاله <<تعتمد ع الوقت لتشغيلها
سريعه ..
*صحيه ماتحتاج زيوت او حتى صوصات لو ماحبيتوا تضيفوها ..
*مافيها نكهات شواء او غيره حتى لو الاكل مشوي <<ماتطلع روائح
*مافيها صوت مزعج كانه هوا مكيف مجرد هواء فقط ..
*الاكل فيها يطلع كانه مقلي خصوصا البطاطس والدجاج والجمبري والاسماك والباذنجان ..
*يجي معاها كتيب طبخ يقولك كل شي من الاكل كم يأخذ وقت ودرجة حراره ..وفيه وصفات لذيذه وجميله ..جربت نصها يمكن ..
ا*ذا ماكفت السله الخاصه فيها للطبخه ممكن تحطوا صينيه صغيره فيها تيفال او زجاج ..
العيوب :
مو كثير العيوب مقارنة بالمزايا :
*حجمها صغير من جوا (أتكلم عن الحجم الصغير منها لانه هي حجمين كبير وصغير ) وتعتمد ع الطبخ بدفعات ..ماتتعب بس يظل عيب صغير فيها ..خصوصا انه اشتريت الحجم الصغير ..وحتى الكبيره منها مافي فرق شاسع بالاحجام..
*تنظيفها سهل بس اذا انطبخ فيها مرتين ورا بعض من غير غسيل تحتاج نقع بسيط حتى تروح كل الأشياء اللي علقت فيها ..
*حجمها يأخذ على الطول اكثر من العرض يعني اللي عندهم دواليب مطبخ فيها رفين ماتجي فيها ..
بس كل مره اطبخ فيها او حتى احمر الخبز فيها احس انها نعمه كبيره ولازم تكون بأي مطبخ ..ضروري
وبالمناسبه هي تنفع للاكل الغير صحي يعني عادي أي نوع ..
وبالمناسبه هي تنفع للاكل الغير صحي يعني عادي أي نوع ..
هنا صورها
و هنـــــــــــــا بعض طبخاتي فيها راح تلاقوها
وبالفيديو هنـــــــــــــــــا كل شي عنها ..
اشتريتها من ساكو جدة ..تقريبا سعرها حول 900 او يمكن اقل بشوي ..بس تستاهل سعرها وعن تجربه ..
استفدت منها كثير كموظفه ..وفكت لي أزمات ..وللأن افضل أله رئيسيه اشوفها عندي بالطبخ ..
أي سؤال ..ع الرحب والسعه ^_^
0 comments:
Post a Comment