اهم كتاب للحياه الزوجيه ..بنظري

 

مساء السعادة  ,,

 

 

 

"شريك الحياة " كلمه تحسسنا انه حياتنا بكل حب وسعاده ولهفه وحماس تشاركت مع شخص اخر مختلف بشكله وشخصيته وتصرفاته وكأنه يكملنا ..

شريك الحياه هو شخص توصفه كلمات مثل : اكتمالي / روحي الثانيه /  نفسي ..! / شريكي /والجزء الأول من عائلتي   ..الخ

ليش هالمصطلحات بالذات ؟ ليش هالعمق ؟ لانه بعد 6 سنين زواج ناجح الحمدلله بكل صعوباته وتساهيله ..اكتشفت انه الحياه الزوجيه اذا انفهمت صح فهي حياه ناجحه ع الاغلب ..تعتمد على طرفين مكملين لبعض من ناحية النقص او التعب او الفرح او النجاح ..

الحياه الزوجيه عباره عن شخص كان لوحده يمتلك قراراته ويومياته ووقته و غير مرتبط بأحد  ..وفجأه يصير يتقاسم حياته 24 ساعه في سنين عمره مع شخص اخر ولذلك هو يكتمل فيه ..

 

بمعنى : كل شي كان ملكنا لوحدنا بحياتنا صار متشارك مع شخص اخر وكانه انقسم على 2 ..

 

اللي تعلمته من هالـ 6 سنين انه الحياه الزوجيه :

*تنهار عند فرض الكرامه ..!

*تنهار عند اختفاء الاحترام ..!

*تنهار عند العناد ..!

*تنهار عند تراكمات الأحقاد ..!

*تنهار عند استعلاء طرف على طرف ..!

*تنهار عند عدم فهم طريقة تفكير الرجل او الانثى ..وهالنقطه مهمه ..

*تنهار عند نسيان ذواتنا ..وهالنقطه مهمه ..

 

الانهيار اقصد فيه مو الانفصال طبعا..لكن تصير الحياه ركيكه يختفي فيها الانسجام وتكثر فيها المشاكل والحساسيه ويكثر فيها النكد او عدم الارتياح ..

 

كل هالامور تحتاج لصبر

 

ثم الصبر ثم الصبر ..اكثر شي ممكن يحدث تغيير جذري بالحياه الزوجيه ..اكبر قدر من الصبر + فهم طريقة التفكير + التقبل ..

 

من اجمل الكتب اللي فعليا تساعد على تسهيل الأمور .. كتاب نساء من الزهره ورجال من المريخ ..

 

 

حقيقي هالكتاب فيه تقريبا كل المواقف اللي تصير مع شريك الحياه وكيف نتصرف معاها وكيف نتصرف مع انفسنا ..وقد قرأته قبل الزواج لكن ماكان واضح بقد ماافادني بعد الزواج بفتره تقريبا سنتين ..وقتها تحصل مواقف وتصير أشياء كانه الكتاب يحكيها لنا نفسها ..لكذا انصح بقراءته بعد مدة من الزواج راح تكون فائدته اكبر بكثييييير

من هنا

قراءة الكتاب  أونلاين:
قراءة كتاب الرجال من المريخ والنساء من الزهرة

او تحميله عن طريق التورنت:
Rgal.mars.nsaa.zohra_archive.torrent

*طبعا من موقع بحر الكتب اخذت الروابط مشكورين ..

 

عن نفسي محملته على الايفون وكل ماحتجت منه شي ادور بفهرس الكتاب واقرا وموجود عندي الكتاب مرات افتحه واتصفح وانا مروقه عليه ..

 

وتلاقونه بجرير اكيد وهو غني عن التعريف ..

 

في مواضيع ثانيه وفيديوهات راح أتكلم عنها تتعلق بكثير نقاط ذكرتها بهالموضوع وساعدتني كثير ..

 

 

سعدت بالمشاركة مع كل مرور لكم ع مدونتي ^_^

 

 

 

 

 

 

 

Leave a Comment شريك الحياة